उर्मिला यादव यात्री , १८९ पटक हेरिएको
भैरहवा, भदौ १५
कान्दु वैश्य सेवा समिति रुपन्देही र कान्दु वैश्य युवा सेवा समिति रुपन्देहीले आफना कुल देवता महात्मा गणीनाथ पूजनोत्सव एक कार्यक्रमका बिच सम्पन्न गरेकोे छ । कान्दु वैश्य सेवा समिति रुपन्देहीका अध्यक्ष मदन लाल कान्दुको को अध्यक्षता तथा लुम्बिनी प्रदेश सभा सदस्य कन्हैया बनियाको प्रमुख आतिथ्यतामा कार्यक्रम सम्पन्न भएको हो ।
कार्यक्रममा बोल्दै प्रमुख अतिथि कन्हैया बनियाले कुल देवता महात्मा गणीनाथको पूजनोत्सव जस्तो धार्मिक तथा सांस्कृतिक आयोजनाले समाजलाई एकजुट पार्ने बताउनुभएको छ । उहाँले “आजको युगमा हाम्रो संस्कार, संस्कृति र कुल परम्परा जोगाउनु ठूलो चुनौती बनेको बताउदै यस्ता पूजनोत्सवहरूले मात्र नयाँ पुस्तालाई आफ्नो मौलिकता सम्झाउने काम गर्दै आएको बताउनु भएको छ । उहाले समाजका सबै वर्ग मिलेर अघि बढे मात्र शान्ति, समृद्धि र विकास सम्भव भएकोले युवाले सक्रियता देखाएर यस्ता कार्यक्रमलाई निरन्तरता दिनु हाम्रो भविष्यका लागि गर्वको कुरा भएको उल्लेख गर्नु भयो ।
यस्तै गरी अध्यक्ष कान्दुले पूजनोत्सवले समुदायभित्र आपसी सद्भाव, सहकार्य र संगठनात्मक एकतालाई अझ मजबुत बनाउने विश्वास व्यक्त गर्नुभएको छ । उहाँले “हाम्रो समाजलाई अघि बढाउन धर्म र संस्कृति नै मुख्य आधार भएकोले कुल देवता महात्मा गणीनाथको आशिर्वादले हामी सबैलाई सही बाटो देखाउने बिश्वास व्यक्त गर्नु भएको छ । उहाले युवापुस्ताले आफ्नो जरा, संस्कृति र परम्परालाई नबिर्सी त्यसैको संरक्षण गर्दै आधुनिकतासँग अघि बढ्नु जरुरी रहेको बताउदै समितिले समाजसेवा, संस्कृतिको जगेर्ना र सामाजिक एकताको अभियानलाई निरन्तरता दिने बताउनु भएको छ ।
कार्यक्रममा निर्वतमान अध्यक्ष तथा केन्द्रिय उपाध्यक्ष श्रीराम गुप्ताले पूजनोत्सवको उद्देश्यबारे प्रकाश पार्दै धार्मिक, सांस्कृतिक र सामाजिक एकताको सन्देश दिनु नै यस पूजनोत्सवको मुख्य प्रयोजन भएको बताउनु भएको छ । उहाले , “आफ्नो कुल देवता प्रति श्रद्धा, आस्था र विश्वास जगाउनका साथै नयाँ पुस्तालाई धर्म, संस्कृति र परम्पराबारे जानकारी दिन यो पूजनोत्सव महत्वपूर्ण अवसर बनेको छ ।” उल्लेख गर्नु भयो ।
गुप्ताले पूजनोत्सवले समाजमा आपसी सहयोग, सद्भाव र एकता अभिवृद्धि हुने विश्वास व्यक्त गर्दै आगामी दिनमा अझ ठूलो सहभागितासहित यसलाई निरन्तरता दिन आग्रह गर्नु भएको थियो ।
कान्दु वैश्य सेवा समिति रुपन्देहीको उपाध्यक्ष बेचन प्रसाद गुप्ताको स्वागत मन्तब्य रहेको कार्यक्रममा सिद्धार्थ उद्योग बाणिज्य संघको बरिष्ठ उपाध्यक्ष दिलिप कान्दु,नेपाल भारत मैत्री संघ बेलहिया शाखा अध्यक्ष पशुपति कान्दु,कान्दु बैश्य सेवा समिती नवलपरासीका संरक्षक राजेश गुप्ता, कान्दु बैश्य सेवा समिती नवलपरासीका नवलपरासीका पुर्व अध्यक्ष हेमन्त कान्दु लगायतले शुभकामना मन्तब्य राख्नु भएको थियो । भने कार्यक्रम संयोजक सरोज कान्दु रहनु भएको थियो ।
कान्दु वैश्य युवा सेवा समिति रुपन्देहीका अध्यक्ष मनोज कान्दुले सक्रिय सहयोग गर्नु भएको थियो भने कार्यक्रम संचालन बेचन प्रसाद गुप्ताले गर्नु भएको थियो । पूजनोत्सवमा सहभागी भक्तजनले सामूहिक रुपमा कुल देवता महात्मा गणीनाथको पूजाअर्चना गरी समाजमा शान्ति, समृद्धि र एकताको कामना गरेका थिए । कान्दु वैश्य सेवा समिति रुपन्देही र कान्दु वैश्य युवा सेवा समितिको संयुक्त आयोजनामा सम्पन्न उक्त कार्यक्रम विभिन्न धार्मिक विधि विधानका साथ सम्पन्न गरिएको हो ।
प्रकाशित मिति: २०२५-०८-३१ , समय : १०:२८:१४ , १० घन्टा अगाडि