रुपन्देही खबर , ८२ पटक हेरिएको
काठमाण्डौ,फागुन २४
एकमात्र निर्वाचन क्षेत्र भएको डोल्पामा नेपाली कम्युनिष्ट पार्टी (नेकपा)का धनबहादुर बुढा विजयी हुनुभएको छ । बुढाले आफ्ना निकटतम प्रतिस्पर्धी नेकपा (एमाले)का उम्मेदवार लङ्कबहादुर रोकायलाई १ हजार ४०६ मतान्तरमा ६ हजार ८०२ मत ल्याएर विजयी हुनुभएको हो । रोकायले ५ हजार ३९६ मत प्राप्त गर्नुभएको मुख्य निर्वाचन अधिकृत चन्द्रदेव भारतीले जानकारी दिनुभयो ।
त्यसैगरी, नेपाली कांग्रेसका कर्णबहादुर बुढाले २ हजार ९४७ र राष्ट्रिय स्वतन्त्र पार्टीका देवसिंह ऐडीले १८१ मत प्राप्त गर्नुभएको छ । डोल्पामा नौ दलका उम्मेदवार चुनावी प्रतिस्पर्धामा थिए । यहाँ २५ हजार पाँच कुल मतदाता सङ्ख्या रहेको यो निर्वाचन क्षेत्रमा १६ हजार ४३७ मत खसेको थियो ।
प्रकाशित मिति: २०२६-०३-०८ , समय : १०:१७:०७ , ३ घन्टा अगाडि