रुपन्देही खबर , ७० पटक हेरिएको
काठमाण्डौ,चैत ११
मिथिला क्षेत्रमा आज बिहान उदाउँदो सूर्यलाई अर्घ्य दिएसँगै चैती छठ सम्पन्न भएको छ । चैती छठको चौथो एवं अन्तिम दिन आज बिहानै व्रतालु छठघाटमा पुगी जलाशयमा पसेर उदाउँदो सूर्यलाई अर्घ दिई चैती छठ पर्व सम्पन्न गर्ने परम्परा छ ।
यसअघि हिजो बेलुका अस्ताउँदो सूर्यलाई अर्घ्य दिएका थिए । नेपाल र भारतको मिथिला क्षेत्रमा आइतबार चतुर्थी तिथिदेखि धार्मिक विधिपूर्वक शुरू भएको चार दिने चैती छठ उत्सवअन्तर्गत आइतबार व्रतालुले नहाँ खा र सोमबार खरना मनाएका थिए ।
पारिवारिक सुख, शान्ति र समृद्धिका लागि चैती छठ पर्व मनाउने गरिन्छ । यस अवसरमा पोखरी, नदी, तलाउ र जलाशयमा श्रद्धालु भक्तजनको घुइँचो लाग्ने गर्छ ।
प्रकाशित मिति: २०२६-०३-२५ , समय : ०९:४९:३२ , १ घन्टा अगाडि