रुपन्देही खबर , ३८ पटक हेरिएको
भैरहवा, भदौ ११
सिद्धार्थनगर नगरपालिका–८ मा रुपन्देही हेल्थ केयर प्रालि सञ्चालनमा आएको छ । आइतबार एक कार्यक्रमबीच हेल्थ केयरको उद्घाटन गरिएको हो । स्थानीय बासिन्दालाई सहज र गुणस्तरीय स्वास्थ्य सेवा उपलब्ध गराउने उद्देश्यले सञ्चालनमा ल्याइएको हेल्थ केयरमा ओपीडी, फार्मेसी, ल्याब तथा सर्जिकल सेवा उपलब्ध रहेको छ ।
रुपन्देही हेल्थ केयरका प्रबन्ध निर्देशक सोनु यादवले स्थानीय बासिन्दालाई स्वास्थ्य सेवा लिन टाढा जानुपर्ने अवस्था कम गर्ने उद्देश्यले हेल्थ केयर सञ्चालनमा ल्याइएको बताउनुभयो । उहाँले भन्नुभयो, “स्थानीयस्तरमै आवश्यक स्वास्थ्य सेवा उपलब्ध गराउने र सेवाग्राहीलाई सहज तथा भरपर्दो सेवा दिने हाम्रो मुख्य उद्देश्य हो।”
हेल्थ केयरका अध्यक्ष दिलीप कोइरीले स्वास्थ्य सेवा व्यवसाय मात्र नभई सामाजिक उत्तरदायित्वसँग पनि जोडिएको विषय भएकाले सेवाग्राहीको आवश्यकतालाई प्राथमिकतामा राखेर काम गर्ने बताउनुभयो। उहाँका अनुसार गुणस्तरीय सेवा र सेवाग्राहीको विश्वास कायम गर्नु संस्थाको मुख्य प्राथमिकता हुनेछ
त्यस्तै, निर्देशक दीपक यादवले हेल्थ केयरमा अनुभवी स्वास्थ्यकर्मी मार्फत सेवा उपलब्ध गराइने बताउनुभयो । उहाँले ओपीडी, ल्याब, फार्मेसी र सर्जिकल सेवासहित आवश्यकताअनुसार स्वास्थ्य सेवाको दायरा विस्तार गर्दै लैजाने जानकारी दिनुभयो।
हेल्थ केयरमा स्वास्थ्य परीक्षण तथा उपचारसँगै आवश्यक प्रयोगशाला परीक्षण र औषधि उपलब्ध हुने व्यवस्था गरिएको छ । सर्जिकल सेवासमेत सञ्चालनमा रहेकाले सेवाग्राहीले विभिन्न स्वास्थ्य सेवा एउटै स्थानबाट लिन सक्ने सञ्चालकको भनाइ छ ।
हेल्थ केयर सञ्चालनमा आएसँगै सिद्धार्थनगर–८ तथा आसपासका क्षेत्रका बासिन्दालाई स्वास्थ्य सेवा लिन सहज हुने अपेक्षा गरिएको छ । स्थानीयस्तरमै स्वास्थ्य परीक्षण, ल्याब, औषधि तथा अन्य सेवा उपलब्ध हुँदा सेवाग्राहीलाई समय र खर्च दुवै बचत हुने सञ्चालकहरूले बताएका छन्।
सञ्चालकहरूका अनुसार आगामी दिनमा सेवाग्राहीको आवश्यकता र मागलाई ध्यानमा राख्दै स्वास्थ्य सेवाको दायरा थप विस्तार गरिनेछ। स्वास्थ्य सेवाको गुणस्तर कायम गर्दै दक्ष जनशक्तिमार्फत सेवा प्रदान गर्ने संस्थाको लक्ष्य रहेको जनाइएको छ ।
भैरहवा क्षेत्रमा स्वास्थ्य सेवाको माग बढ्दै गएको अवस्थामा निजी क्षेत्रबाट सञ्चालनमा आएको रुपन्देही हेल्थ केयरले स्थानीय स्वास्थ्य सेवामा थप विकल्प प्रदान गरेको छ ।
प्रकाशित मिति: २०२६-०८-२७ , समय : ११:३०:०२ , २९ मिनेटutes अगाडि