रुपन्देही खबर , १४१ पटक हेरिएको
भैरहवा, भदौ १४
प्रभु महालक्ष्मी लाइफ इन्स्योरेन्स लिमिटेड भैरहवा शाखाले आफ्ना अभिकर्ताहरुलाई लक्षित गरी अभिकर्ता क्षमता अभिवृद्धि कार्यक्रम सम्पन्न गरेको छ । भैरहवा शाखाका सिनियर एजेन्सी म्यानेजर अनिरुद्ध खरबिन्दको अध्यक्षता तथा प्रदेश प्रमुख कृष्ण पोखरेलको प्रमुख आतिथ्यतामा कार्यक्रम सम्पन्न गरिएको हो ।
तालिममा सहजीकरण गर्नु हुदै प्रदेश प्रमुख पोखरेलले सहभागीलाई आत्मनिर्भर हुनका लागि अभिकर्ता पेसा उपयुक्त रहेको बताउनु भएको छ । उहाले नाम, दाम, सम्मानका साथै व्यक्तित्व विकासका लागि अभिकर्ता पेशा उत्तम विकल्प रहेको जोड दिनु भयो ।
पोखरेलले बीमा क्षेत्रलाई सर्वसाधारणमा अझै बुझाउनुपर्ने आवश्यकता रहेको बताउँदै अभिकर्ताले ग्राहकलाई दीर्घकालीन सुरक्षाको माध्यमका रूपमा जीवन बीमा प्रचार–प्रसार गर्न जोड दिनु भयो । उहाले बीमामा सहज पहुँच विस्तारका लागि कम्पनी सधैं अभिकर्तासँगै रहि क्षमता विकासका कार्यक्रम ल्याउने आश्वासन समेत दिनु भएको छ ।
यस्तैगरी कार्यक्रममा अतिथी भैरहवा शाखा प्रमुख अमरदिप गुप्ताले अभिकर्ताहरु कम्पनीको मेरुदण्ड भएको उल्लेख गर्दै ग्राहकसँगको विश्वास जित्न सेवा प्रवाहमा जिम्मेवार, पारदर्शी र निष्ठावान भएर काम गर्नुपर्ने बताउनु भएको छ । उहाले अभिकर्ता आफैं सक्षम, दक्ष र परिणाममुखी बन्ने हो भने बजारमा कम्पनीको ब्रान्ड मूल्य अझ बढ्ने विश्वास व्यक्त गर्नु भएको छ ।
यस्तै गरी कार्यक्रममा भैरहवा शाखाका सिनियर एजेन्सी म्यानेजर अनिरुद्ध खरबिन्दले बीमा जगतमा पृथक योजना सहित कम्पनीका अभिकर्ताहरुको क्षमता अभिबृद्धि गर्न र विभिन्न वित्तीय सुचकांकमा अघि रहन कम्पनी आक्रामक शैलीमा लागेको बताउनु भएको छ । उहाले इमान्दारिताका साथ कार्य गर्दा यो पेसाबाट नाम, दाम र सम्मान आजीवन रहने गरी सन्तुष्टि सहित कार्य गर्न सकिने बताउनु भयो ।
अभिकर्ता क्षमता अभिवृद्धि कार्यक्रममा टप थ्री मा प्रथम बीमा शुल्क को आधारमा प्रथम अनरुद्ध प्रसाद खरबिन्द , द्धितीयमा रोहित कहार र तृतीयमा श्रीराम मुरावलाई सम्मानित गरिएको थियो भने गत आर्थिक बर्ष र यस आर्थिक बर्षको साउन, भदौ महिनामा उत्कृष्ट कार्य गर्ने अभिकर्तालाइ प्रमाणपत्र, मायाको चिनो सहित सम्मान पनि गरिएको थियो । कार्यक्रममा शाखा कर्मचारी अनिता पन्थी र अन्जु पौडेलले कार्यक्रम संचालन गर्नु भएको थियो भने कार्यक्रममा ६५ जना भन्दा बढी अभिकर्ताहरुको सहभागिता रहेको थियो ।
प्रकाशित मिति: २०२५-०८-३० , समय : २१:२१:०८ , ८ घन्टा अगाडि