रुपन्देही खबर , ४७ पटक हेरिएको
भैरहवा, भदौ २३
भोटेकोशी बाढीबाट प्रभावित नागरिकको राहतका लागि मायादेवी प्याब्सनअन्तर्गतको लुम्बिनी शिक्षा निकेतन, मायादेवी–४, रुपन्देहीले ५४ हजार १७५ रुपैयाँ सहयोग गरेको छ।
विद्यालयका अनुसार उक्त रकममध्ये १५ हजार ५५५ रुपैयाँ प्याब्सन रिलिफ फण्डमा र ३८ हजार ६२० रुपैयाँ प्रधानमन्त्री दैवी प्रकोप राहत कोषमा प्रदान गरिएको हो।
प्याब्सन रिलिफ फण्डका लागि छुट्याइएको १५ हजार ५५५ रुपैयाँ विद्यालयले प्याब्सनमार्फत सहयोग गरेको जनाएको छ। यस्तै, विद्यालयका विद्यार्थी, शिक्षक–कर्मचारी तथा अभिभावकबाट संकलित ३८ हजार ६२० रुपैयाँ भने सिधै प्रधानमन्त्री दैवी प्रकोप राहत कोषमा जम्मा गरिएको विद्यालयले जनाएको छ।
यसरी लुम्बिनी शिक्षा निकेतनले प्याब्सनमार्फत १५ हजार ५५५ रुपैयाँ र प्रत्यक्ष रूपमा ३८ हजार ६२० रुपैयाँ गरी कुल ५४ हजार १७५ रुपैयाँ बाढी प्रभावित नागरिकको राहतका लागि प्रदान गरेको हो।
भोटेकोशी बाढीबाट प्रभावित नागरिकको उद्धार, राहत तथा पुनःस्थापनाका लागि देशभरबाट सहयोग संकलन भइरहेका बेला विद्यालयले सामाजिक उत्तरदायित्वअन्तर्गत राहत अभियानमा सहयोग गरेको जनाएको छ।
प्रकाशित मिति: २०२६-०९-०८ , समय : २०:४४:४१ , ५१ मिनेटutes अगाडि