बालविवाह र लैंगिक हिंसा निवारणमा प्रहरीको भूमिका बिषयक अन्तरक्रिया कार्यक्रम कृष्णनगरमा सम्पन्न

अजय मिश्र , ५५९  पटक हेरिएको

कपिलवस्तु ,  बैशाख १६

कपिलवस्तु जिल्लाको कृष्णनगर नगरपालिका वडा नम्बर ३ मा रहेको कृष्णनगर हेल्थ पोष्टको सभाहलमा युनिसेफ नेपालको सहयोग तथा कृष्णनगर नगरपालिकाको आयोजनामा बालविवाह र लैंगिक हिंसा निवारणका लागी प्रहरीको समुदायमा पहुच बृद्धिका उपायहरू सम्बंधि क्षमता अभिवृद्धि एक दिने कार्यक्रम सम्पन्न भएको छ ।

कार्यक्रममा प्रहरीहरूलाई बाल अधिकार, बाल अधिकारका चार समुह, बाल अधिकार सम्बंधि महासन्धिका सिद्धांतहरू, बालबालिकाको सर्वोत्तम हित, दिर्घ जीवन र विकास, बालबालिकाको विचार र भावनाको कदर, समानताको हक, शोषण बिरूद्धको हक, स्थानीय सरकार संचालन ऐनमा बालअधिकार, लैंगिक हिंसाको परिचय, कारण, निराकरणका उपाय लगायत सहभागीहरूले राखेका जिज्ञासाहरूलाई सिद्धार्थ सामाजिक विकास केन्दरका आर. टी. खान तथा युनिसेफ नेपालका प्रतिनिधि माधव बरालले सहजीकरण गरेका थिए ।

कार्यक्रममा बीस जना प्रहरीहरूको सहभागिता रहेको थियो । कार्यक्रम संचालन तथा अन्य व्यवस्थापनको भूमिका कृष्णनगर नगरपालिका महिला तथा बाल बालिका शाखा प्रमुख थुमा देवी उपाध्याय रहेकी थिइन् ।

प्रकाशित मिति: २०२२-०४-२९ , समय : १६:५०:२८ , २ वर्ष अगाडि