रुपन्देही खबर , ३३१ पटक हेरिएको
लुम्बिनी, असार २४
लुम्बिनी शिक्षा निकेतन मायादेवी–४ रूपन्देहीले २०८१ सालको एस.ई.ई. परीक्षामा उत्तीर्ण विद्यार्थीहरुलाई एक कार्यक्रमका बिच सम्मान गरेको छ । एसइई परीक्षामा ३.८७ जिपिए ल्याउन सफल शिवम बानियाँ र ३.७८ जिपिए ल्याउने संगम कुमार बिश्वकर्मा लगायत ४७ जना विद्यार्थी हरुलाई नगद, प्रमाणपत्र र मायाको चिनो सहित शिक्षक शिक्षिकाहरुलाई समेत सम्मान गरेको बिद्यालयले जनाएको छ । विद्यालयका प्राचार्य नामदेव अर्यालको अध्यक्षता तथा विद्यालयका प्रबन्ध निर्देशक पिताम्बर न्यौपानेको प्रमुख आतिथ्यतामा सोमबार सम्पन्न कार्यक्रमलाई सम्बोधन गर्दै विद्यालयका प्रबन्ध निर्देशक पिताम्बर न्यौपानेले यस क्षेत्रमै उत्कृष्ट नतिजा दिन सफल लुम्बिनी शिक्षा निकेतन लुम्बिनी क्षेत्रकै उत्कृष्ट बिद्यालय भएको बताउनु भएको छ ।
उहाले लुम्बिनी शिक्षा निकेतनले ल्याएको नतीजा लुम्बिनीकै लागि महत्वपूर्ण उपलब्धि रहेको चर्चा गर्दै उत्तीर्ण सबै विद्यार्थीहरुको आगामी शैक्षिक सफलताको लागि शुभकामना समेत दिनु भएको छ । यस्तै गरी बिद्यालयका प्राचार्य नामदेव अर्यालले विद्यार्थीहरूले प्राप्त गरेको सफलतालाई आगामी दिनमा समेत निरन्तरता दिँदै लैजान आग्रह गर्नु भएको छ । उहाँले बिद्यार्थीहरुलाई यो देश र समाज को लागि योगदान गर्न सफल नागरिकको रूपमा चिर परिचित हुनुपर्नेमा जोड दिनुभयो ।
यस्तै गरी विद्यालयका सह–प्राचार्य जोखन प्रसाद यादवले आज अध्ययन कार्यमा गरेको संघर्षले भविष्यमा जीवन सुखमय हुने जोड दिँदै विद्यार्थीहरुलाई उच्च शिक्षामा कडा मिहिनेतका साथ अघि बढनुपर्नेमा जोड दिनु भएको थियो । कार्यक्रममा एस.ई.ई. उत्तीर्ण सम्पूर्ण विद्यार्थीहरूको प्रतिनिधित्व गर्दै फरहान अख्तर शेख,शिवम बानियाँ र प्रसन्न क्षेत्रीले लुम्बिनी शिक्षा निकेतन यस क्षेत्रमै गरिमामय शैक्षिक प्रतिष्ठानका रूपमा ख्याति कमाएको बिद्यालय भएको जोड दिदै आगामी दिनमा समेत राष्ट्रकै उत्कृष्ट शैक्षिक संस्थाको रूपमा स्थापित गर्न सकिने उल्लेख गर्नु भएको थियो । यस्तै गरी अभिभावकका तर्फबाट बालकृष्ण यादवले लुम्बिनी शिक्षा निकेतन अभिभावकहरूको रोजाइको विद्यालय रहेको कुरामा जोड दिनु भएको छ ।
कार्यक्रममा शैक्षिक सत्र २०८१ मा विद्यालय क्याप्टेनको भूमिकामा रहनुभएका प्रसन्न क्षेत्री र उषा मौर्यलाई प्रमाण पत्रले सम्मान गरिएको थियो । भने उत्कृष्ट नतिजा दिन अहोरात्र खटिनुभएका विद्यालयका सम्पूर्ण शिक्षक शिक्षिका तथा कर्मचारीहरूलाई समेत सम्मान गरिएको थियो । कार्यक्रममा सामाजिक विषयप्रमुख शिक्षक शान्तिदेवी अधिकारीको स्वागत मन्तब्य रहेको कार्यक्रमको सञ्चालन विद्यालयका अतिरिक्त क्रियाकलाप एवं परीक्षा विभाग प्रमुख श्याम मोहन यादवले गर्नु भएको थियो भने कार्यक्रममा विद्यालयका सञ्चालक समिति सदस्य नसिम अख्तर खान, बिद्यार्थीका अभिभावक, बिद्यार्थी , शिक्षक शिक्षिका लगायत सरोकारवाला निकायको उल्लेख्य सहभागिता रहेको थियो ।
प्रकाशित मिति: २०२५-०७-०८ , समय : १०:३३:३२ , १४ घन्टा अगाडि