रुपन्देही खबर , ५८ पटक हेरिएको
भैरहवा, माघ ८
जिल्ला प्रशासन कार्यालय रुपन्देहीले आगामी फागुन २१ गते हुने प्रतिनिधि सभा सदस्य निर्वाचनलाई शान्तिपूर्ण, भरपर्दो र विश्वसनीय बनाउन जिल्लाभित्र रहेका इजाजतप्राप्त हातहतियार तथा खरखजाना माघ १५ गतेभित्र बुझाउन सूचना प्रकाशित गरेको छ ।
जिल्ला प्रहरी कार्यालय वा नजिकको प्रहरी ईकाइमा हातहतियार बुझाउन सम्बन्धित सबैलाई जानकारी गराइएको जिल्ला प्रशासन कार्यालय रुपन्देहीका सूचना अधिकारी तथा सहायक प्रमुख जिल्ला अधिकारी मेघनाथ पाध्याले जानकारी दिनुभयो ।
प्रहरी ईकाइमा बुझाइएका हातहतियार निर्वाचन सम्पन्न भएको एक महिनापछि सम्बन्धित हतियारधनीले फिर्ता लिन सक्ने प्रशासनले जनाएको छ । सूचनाको उल्लङ्घन भएको पाइएमा कानूनबमोजिम कारबाही गरिने पनि प्रशासनले स्पष्ट पारेको छ ।
प्रकाशित मिति: २०२६-०१-२२ , समय : ०९:१८:४७ , ४ घन्टा अगाडि