रुपन्देही खबर , ७२ पटक हेरिएको
भैरहवा, साउन १०
रुपन्देहीको सिद्धार्थनगर नगरपालिका–७, भैरहवास्थित बर्मेली टोलमा बिजुला मेडिकल हल नजिक ‘प्रिन्स की रसोई फ्यामिली रेष्टुरेन्ट एन्ड तन्दुरी ढावा’ सञ्चालनमा आएको छ। युवा व्यवसायी प्रविन प्रताप यादवले आधुनिक सुविधा, पारिवारिक वातावरण र गुणस्तरीय भोजन सेवा प्रदान गर्ने उद्देश्यका साथ उक्त रेष्टुरेन्ट तथा तन्दुरी ढावा सञ्चालनमा ल्याउनुभएको हो।
स्थानीयवासी, यात्रु, कर्मचारी, व्यवसायी तथा परिवारलाई लक्षित गरी सञ्चालनमा ल्याइएको रेष्टुरेन्टमा नेपाली, भारतीय तथा तन्दुरी परिकारसहित विभिन्न स्वादका खानाका परिकार उपलब्ध गराइने सञ्चालक यादवले जानकारी दिनुभयो। ग्राहकको स्वाद, स्वास्थ्य र सन्तुष्टिलाई केन्द्रमा राख्दै स्वच्छ, ताजा र गुणस्तरीय भोजन उपलब्ध गराउने प्रतिबद्धताका साथ सेवा सुरु गरिएको उहाँको भनाइ छ।
रेष्टुरेन्ट सञ्चालनको उद्देश्यबारे सञ्चालक यादवले भन्नुभयो, “भैरहवामा परिवारसहित निर्धक्क भएर स्वादिलो र स्वच्छ खाना खान सकिने स्थानको आवश्यकता महसुस गरेर यो व्यवसाय सुरु गरेका हौँ। ग्राहकलाई उचित मूल्यमा गुणस्तरीय सेवा दिनु नै हाम्रो प्राथमिकता हो।”
उहाँका अनुसार रेष्टुरेन्टमा नेपाली परिकारसँगै भारतीय तथा तन्दुरी विशेष परिकार, खाजा, बिहानको नास्ता, दिउँसो र बेलुकाको भोजन उपलब्ध हुनेछ। ग्राहकलाई सहज र छिटो सेवा प्रदान गर्न अनुभवी भान्सा टोली तथा सेवा कर्मचारीको व्यवस्था गरिएको छ। साथै, रेष्टुरेन्टको सरसफाइ, खाद्य स्वच्छता र गुणस्तरमा विशेष ध्यान दिइएको सञ्चालक यादवले बताउनुभयो।
सिद्धार्थनगर–७ को व्यस्त व्यापारिक क्षेत्र बर्मेली टोलमा रहेको यस रेष्टुरेन्टले स्थानीय बजारमा गुणस्तरीय भोजन सेवाको विकल्प थपिएको विश्वास गरिएको छ। पछिल्लो समय भैरहवामा आन्तरिक तथा बाह्य पर्यटकको आगमन बढ्दै गएको र होटल तथा रेष्टुरेन्ट व्यवसाय विस्तार भइरहेको अवस्थामा नयाँ रेष्टुरेन्ट सञ्चालनले ग्राहकलाई थप विकल्प उपलब्ध गराउने अपेक्षा गरिएको छ।
रेष्टुरेन्टमा परिवार, साथीभाइ तथा विभिन्न समूहका ग्राहकलाई सहज रूपमा बस्न मिल्ने आरामदायी भोजन कक्षको व्यवस्था गरिएको छ। साथै, तन्दुरी परिकारलाई विशेष प्राथमिकतामा राख्दै स्वाद र गुणस्तरमा कुनै सम्झौता नगर्ने सञ्चालक यादवले बताउनुभयो। उहाँका अनुसार आगामी दिनमा ग्राहकको मागअनुसार थप नयाँ परिकार र सेवा विस्तार गर्ने योजना पनि रहेको छ।
स्थानीय व्यवसायीहरूले पनि नयाँ रेष्टुरेन्ट सञ्चालनले क्षेत्रको व्यापारिक गतिविधिमा सकारात्मक प्रभाव पार्ने विश्वास व्यक्त गरेका छन्। यसले स्थानीय उत्पादनको प्रयोग बढाउनुका साथै प्रत्यक्ष तथा अप्रत्यक्ष रूपमा रोजगारी सिर्जना गर्न सहयोग पुग्ने अपेक्षा गरिएको छ।
प्रकाशित मिति: २०२६-०७-२६ , समय : २३:३२:२१ , १ घन्टा अगाडि