रुपन्देही खबर , १७२ पटक हेरिएको
भैरहवा, भदौ १७
रसुवाको भोटेकोशी नदीमा भदौ १० गते आएको विनाशकारी बाढीबाट प्रभावित नागरिकको उद्धार, राहत, उपचार तथा पुनःस्थापनाका लागि रुपन्देहीको ओमसतिया गाउँपालिकाले २४ लाख १७ हजार ९ सय रुपैयाँ सहयोग गरेको छ।
गाउँपालिकाले उक्त रकम प्रधानमन्त्री दैवी प्रकोप उद्धार कोषमा जम्मा हुने गरी उपलब्ध गराएको हो। बाढीका कारण विभिन्न जिल्लामा मानवीय तथा भौतिक क्षति भएको र प्रभावित नागरिकलाई तत्काल उद्धार, राहत, उपचार तथा पुनःस्थापनाका लागि सहयोग आवश्यक रहेकाले रकम उपलब्ध गराइएको गाउँपालिकाले जनाएको छ।
गाउँपालिकाका अध्यक्ष, उपाध्यक्ष, वडाध्यक्ष, कार्यपालिका सदस्य तथा अन्य निर्वाचित जनप्रतिनिधि, राष्ट्रसेवक कर्मचारी र सामुदायिक विद्यालयमा कार्यरत शिक्षक तथा कर्मचारीबाट रकम संकलन गरी सहयोग गरिएको हो।
भोटेकोशी नदीमा आएको बाढीका कारण रसुवा लगायत विभिन्न जिल्लाका नदी तटीय क्षेत्रमा मानवीय तथा भौतिक क्षति भएको गाउँपालिकाले जनाएको छ। प्राकृतिक विपद्मा ज्यान गुमाएका नागरिकप्रति गाउँपालिकाले गहिरो शोक व्यक्त गर्दै भावपूर्ण श्रद्धाञ्जली अर्पण गरेको छ। साथै बाढीबाट घाइते भएकाहरूको शीघ्र स्वास्थ्यलाभको कामना गरिएको छ।
गाउँपालिकाले विपद्को समयमा प्रभावित नागरिकको उद्धार तथा राहतका लागि आफ्नो तहबाट सहयोग पु¥याउने उद्देश्यले जनप्रतिनिधि, कर्मचारी तथा सामुदायिक विद्यालयका शिक्षक–कर्मचारीबाट रकम संकलन गरेको जनाएको छ। संकलित रकम प्रधानमन्त्री दैवी प्रकोप उद्धार कोषमा जम्मा हुने भएकाले उक्त रकम विपद्बाट प्रभावित नागरिकको उद्धार, राहत तथा पुनःस्थापनामा प्रयोग हुने अपेक्षा गरिएको छ।
ओमसतिया गाउँपालिकाले प्राकृतिक विपद्का कारण प्रभावित परिवार तथा समुदायप्रति ऐक्यबद्धता जनाउँदै सहयोग गरेको हो। स्थानीय तहले आफ्नो नियमित प्रशासनिक तथा विकाससम्बन्धी जिम्मेवारीसँगै विपद्को समयमा मानवीय सहयोगका लागि समेत भूमिका निर्वाह गरेको गाउँपालिकाको भनाइ छ।
गाउँपालिकाका अनुसार सहयोगमा निर्वाचित जनप्रतिनिधिदेखि राष्ट्रसेवक कर्मचारी र सामुदायिक विद्यालयमा कार्यरत शिक्षक तथा कर्मचारीसम्मको सहभागिता रहेको छ। यसबाट संकलित कुल २४ लाख १७ हजार ९ सय रुपैयाँ प्रधानमन्त्री दैवी प्रकोप उद्धार कोषमा जम्मा गर्ने व्यवस्था गरिएको छ।
भोटेकोशीमा आएको बाढीबाट प्रभावित क्षेत्रमा उद्धार, राहत र पुनःस्थापनाका लागि सरकारी तथा गैरसरकारी क्षेत्रबाट सहयोग जुटाउने क्रम जारी रहेका बेला ओमसतिया गाउँपालिकाले पनि आर्थिक सहयोग गरेको हो। विपद्बाट प्रभावित नागरिकलाई तत्काल राहत उपलब्ध गराउनुका साथै क्षतिग्रस्त संरचनाको पुनःनिर्माण र विस्थापित परिवारको पुनःस्थापनाका लागि समेत सहयोग आवश्यक रहेको गाउँपालिकाले जनाएको छ।
गाउँपालिकाले प्राकृतिक विपद्को यस दुःखद् घडीमा ज्यान गुमाउने नागरिकप्रति श्रद्धाञ्जली, घाइतेप्रति शीघ्र स्वास्थ्यलाभको कामना गर्दै प्रभावित नागरिकको उद्धार, राहत, उपचार र पुनःस्थापनामा सहयोग पु¥याउने प्रतिबद्धतासहित रकम उपलब्ध गराएको जनाएको छ।
ओमसतिया गाउँपालिका गाउँ कार्यपालिकाको कार्यालय, हाटी फर्साटिकर–रुपन्देहीले सार्वजनिक गरेको विवरणअनुसार प्रधानमन्त्री दैवी प्रकोप उद्धार कोषमा जम्मा हुने उक्त रकम गाउँपालिका अध्यक्ष, उपाध्यक्ष, वडाध्यक्ष, कार्यपालिका सदस्य, निर्वाचित जनप्रतिनिधि, कर्मचारी तथा सामुदायिक विद्यालयका शिक्षक–कर्मचारीको योगदानबाट संकलन गरिएको हो।
प्रकाशित मिति: २०२६-०९-०२ , समय : ०९:५५:३१ , ५ दिन अगाडि