रुपन्देही खबर , १६७ पटक हेरिएको
भैरहवा, भदौ १४
यदुवंशी युवा समाज रुपन्देहीका कार्यसमिती सदस्य जय कुमार यादवलाई कार्यवाहक अध्यक्षको जिम्मेवारी दिइएको छ । समाजका अध्यक्ष डा. रणधिर यादव अध्ययनको शिलशिलामा देश भन्दा बाहिर जान लागेकोले २ बर्षका लागी समाजको कार्य सञ्चालनका लागि कार्यसमिती जय यादवलाई कार्यवाहक अध्यक्षको जिम्मेवारी तोकिएको हो । कार्यवाहक अध्यक्ष जय कुमार यादवको अध्यक्षतामा शुक्रवार भैरहवामा युवा समाजको बैठक तथा शुभकामना आदान प्रदान संगै डा. यादवलाई एक कार्यक्रमका बिच बिदाई समेत गरिएको छ ।
विदेश अध्ययनका लागि बिदा हुनुभएका डा. रणधिर यादवले समाज र जन्मभूमिको नाम उच्च राख्ने संकल्प व्यक्त गर्नुभएको छ । उहाँले भन्नुभयो, “म जहाँ भए पनि आफ्नो संस्कृति, भाषा र समाजलाई कहिल्यै बिर्सिने छैन । यहाँका दाजुभाइ दिदीबहिनीहरूको माया नै मेरो लागि ठूलो प्रेरणा हो ।” उहाले कार्यवाहक अध्यक्षलाई समाजको जिम्मेवारी सहि ढंगले गर्न आग्रह समेत गर्नुभएको छ ।
यस्तै गरी शुभकामना मन्तब्य राख्दै कार्यवाहक अध्यक्ष जयकुमार यादवले समाजको विश्वास र समर्थनले आफूलाई थप जिम्मेवार बनाएको बताउनुभएको छ । उहाँले “ यदुवंशी युवा समाजले दिएको जिम्मेवारीलाई इमानदारीपूर्वक निर्वाह गर्दै युवाहरूलाई एकताबद्ध बनाएर अघि बढ्ने प्रतिबद्धता समेत गर्नु भएको छ । उहाले सबैको साथ र सहयोग बिना समाजलाई अगाडि लैजान नसकिने भएकोले सबै सदस्यहरूको निरन्तर मार्गदर्शनको अपेक्षा गरेको बताउनु भएको थियो ।
कार्यक्रममा उपाध्यक्ष राकेश कुमार यादव, कोषाध्यक्ष बिरेन्द्र यादव, सचिव विजय कुमार यादव, सदस्यहरू मुनिब यादव, ज्वाला सिंह यादव, रमेश यादव, उर्मिला यादव, संस्थापक सल्लाहकार हरिशचन्द्र यादव, प्रभाकर यादव, राकेश यादव, हेमन्त यादव,राजेन्द्र यादव, लगायत समाजसेवी, सरोकारवाला ब्यक्तित्वहरुको सहभागिता रहेको थियो । शुभकामना आदान प्रदान तथा बिदाई कार्यक्रमले समाजभित्र आपसी सद्भाव र एकताको सन्देश फैलाउने विश्वास व्यक्त गरेको छ ।
प्रकाशित मिति: २०२५-०८-३० , समय : १९:२७:४५ , ७ घन्टा अगाडि