रुपन्देही खबर , १०६ पटक हेरिएको
सुर्यपुरा,कार्तिक ६
रुपन्देहीको गैडहवा गाउँपालिका वडा नम्बर ६ सूर्यपुराघाटमा बुधबार मूर्ति बिसर्जन क्रममा डुबेर तीन जनाको मृत्यु भएको हो ।
जिल्ला प्रहरी कार्यालय रुपन्देहीका प्रहरी प्रवक्ता सुरज कार्कीका अनुसार मायादेवी गाउँपालिका वडा नम्बर–१ का १३ वर्षीय अजय हरिजन, १५ वर्षीय दीपु हरिजन र २८ वर्षीय रोहित हरिजनको मृत्यु भएको हो ।
बेपत्ता भएको खबरपछि प्रहरी र स्थानीयले खोजी गर्दा शव फेला परेको थियो। करिब २०० मिटर तल शव फेला परेको रुपन्देहीका प्रहरी प्रवक्ता कार्कीले बताउनु भएको छ ।
दानव र कञ्चन नदी संगम सूर्यपुरास्थित सन्तेश्वर घाटमा बुधबार दिउँसो तीन बजे उनीहरू मूर्ति सेलाउन पुगेका थिए। सोही घाटमा छठको तयारी पनि सुरु भइसकेको थियो।
प्रकाशित मिति: २०२५-१०-२३ , समय : ०६:३८:०५ , ५ घन्टा अगाडि