रुपन्देही खबर , ७३ पटक हेरिएको
भैरहवा, फागुन १७
आगामी प्रतिनिधि सभा निर्वाचन नजिकिंदै गर्दा रुपन्देही क्षेत्र नम्बर ३ मा नेपाली कांग्रेसको जनलहर उल्लेखनीय रूपमा बढ्दै गएको छ । उम्मेदवार सुशील गुरुङप्रति मतदातामा रहेको भरोसा, उहाका योजनाप्रति विश्वास र स्थानीय स्तरमा सक्रिय अभियानले उहाका समर्थकहरूमा उत्साह थपिरहेको छ । यस पटकको निर्वाचनमा गुरुङको जीत लगभग निश्चित हुने संकेत व्यापक रूपमा देखिन थालेको छ ।
आज सिद्धार्थनगर, भैरहवामा आयोजित घरदैलो कार्यक्रममा गुरुङले स्थानीय बासिन्दा, उद्योगी, व्यवसायी र समुदायका प्रतिनिधिहरूसँग प्रत्यक्ष भेटघाट गर्नु भएको छ । कार्यक्रममा उपस्थित जनताले उहाको समर्पण, पारदर्शिता र क्षेत्रीय विकासप्रतिको प्रतिबद्धताको प्रशंसा गर्दै आगामी निर्वाचनमा पूर्ण समर्थन दिने आश्वासन व्यक्त गरेका छन ।
गुरुङले प्रत्येक घरमा पुगेर मतदातासँग प्रत्यक्ष संवाद गर्नु भएको थियो । घरदैलोमा उहाले स्थानीय जनताको जीवनस्तर सुधार, पूर्वाधार विकास, शिक्षाको पहुँच विस्तार, स्वास्थ्य सेवामा सुधार र युवाको रोजगारी सिर्जनामा आधारित योजनाहरू प्रस्तुत गर्नु भएको छ । वृद्धवृद्धा, महिला, युवा र व्यवसायी समूहले गुरुङप्रति पूर्ण भरोसा राखेको बताएका छन ।
उहाले घरदैलो संगै स्थानीय व्यवसायी र उद्योगीहरूसँग छलफल समेत गर्नु भएको छ । उद्योगीहरूले विमानस्थल सञ्चालन, सडक सञ्जाल, प्रशासनिक सहजता, लगानी वातावरण सुधार र रोजगारी सिर्जनामा सरकारको सक्रिय भूमिका आवश्यक रहेको बताएका छन । गुरुङले यी सुझावहरू संकलन गरी समाधानमुखी पहल गर्ने प्रतिबद्धता व्यक्त गर्नु भएको छ ।
कार्यक्रममा जनताको उत्साह, व्यवसायीहरूको सकारात्मक प्रतिक्रिया र मतदाताको सक्रिय सहभागिता देख्दा काँग्रेसको लोकप्रियता र सुशील गुरुङप्रतिको समर्थन अझ प्रबल भएको छ । गुरुङले आफ्नो अभियानमार्फत “जनताको आवाज सुन्ने र जनताको विकास प्राथमिकता हुने” सन्देश प्रभावकारी रूपमा प्रवाह गर्नु भएको छ ।
विशेष रूपमा, स्थानीय व्यापारीहरूसँगको भेटघाटले मतदातासँगको विश्वास बढाउने मात्र नभई रोजगारी सिर्जना र लगानी वातावरण सुधारका लागि भविष्यमा हुने कामको स्पष्ट रूपरेखा प्रस्तुत गरेको छ। यसले निर्वाचन क्षेत्रमा काँग्रेसको जनलहर अझ प्रगाढ भएको देखाएको छ।
रुपन्देही–३ मा सुशील गुरुङको चुनावी अभियान घरदैलो, प्रत्यक्ष संवाद र व्यवसायी भेटघाट मार्फत जनताको विश्वास जित्न सफल भएको छ। आगामी निर्वाचनमा उहाका समर्थक र स्थानीय जनता बलियो मतदानमार्फत उहालाई विजयी बनाउने दिशामा अघि बढिरहेका छन् ।
प्रकाशित मिति: २०२६-०३-०१ , समय : २३:५३:३८ , २ घन्टा अगाडि