सुनकाण्डमा मुछिएका डीएसपी केसी सेवाबाट बर्खास्त

रुपन्देही खबर , ३२५  पटक हेरिएको

काठमाडौं ,साउन ९

गृह मन्त्रालयले सुनकाण्डमा मुछिएर प्रहरी नायब उपरीक्षक (डीएसपी) ठगबहादुर केसीलाई बर्खास्त गरेको छ । प्रहरी प्रधान कार्यालयको सिफारिसमा गृह मन्त्रालयले केसीलाई सेवाबाट बर्खास्त गरेको हो । गृहले केसीलाई सरकारी सेवामा अयोग्य नठहरिने गरी सेवाबाट हटाउने निर्णय गरेको हो । डीएसपी केसीलाई नोकरीबाट हटाएको निर्णयको पत्र प्रहरी प्रधान कार्यालयमा पुगिसकेको छ ।

प्रहरी प्रधान कार्यालयले आन्तरिक छानबिनबाट उनले गम्भीर आचरण उल्लंघनसहित प्रहरी ऐनविपरीत कार्य गरेको देखिएकाले सेवाबाट हटाउन गृह मन्त्रालयसमक्ष सिफारिस गरेको थियो । डीएसपी केसीले बुटवलका सुन व्यवसायीबाट ३५ तोला सुन फिर्ता गर्ने शर्तमा ८ लाख ५० हजार रूपैयाँ घुस लिएको र सुन समेत फिर्ता नगरेको ठहर छानबिन समितिले गरेको थियो ।

प्रकाशित मिति: २०२३-०७-२५ , समय : २२:५७:३५ , १० महिना अगाडि