रुपन्देही खबर , ७५ पटक हेरिएको
भैरहवा, भदौ १५
दलित तथा मधेशी मुक्तिमोर्चा सिनपा कमिटीको नयाँ नेतृत्व चयन गरिएको छ । रुपन्देहीको भैरहवामा शनिबार सम्पन्न भेलाले रामचन्द्र कोइरीको अध्यक्षतामा १९ सदस्यीय मधेशी मुक्तिमोर्चा सिनपा कमिटी निर्वाचित गरेको छ । जसको उपाध्यक्षमा रिंकी गुप्ता, सचिवमा मनि कुमार चौधरी, कोषाध्यक्षमा बेचन सहानी, सह–सचिवमा सुरेन्द्र कुर्मी रहनु भएको छ । यस्तै गरी सदस्यहरूमा बिनोद गुप्ता, महेश प्रसाद बर्मा ,सुरेश चाई , प्रलाहद मुराउ , सुगरिम गुप्ता अनिता दिपेन्द्र प्रजापति , गिता यादव गोबिन्द गुप्ता शेषमान यादव , राजकुमार चाई निर्वाचित हुनु भएको छ ।
यस्तै गरी शनिबार सम्पन्न अर्काे भेलाले लक्ष्मण सुनारको अध्यक्षतामा १५ सदस्यीय नेपाल दलित मुक्ति मोर्चा सिनपा कमिटी निर्वाचित गरेको छ । जसको उपाध्यक्षमा बिजय दर्जी , सचिवमा जनमोेजय हरिजन, कोषाध्यक्षमा कान्ती हरिजनलाई रहनु भएको छ । यस्तै गरी सदस्यहरूमा दिलिप हरिजन ,महदेब हरिजन, सिमा धरिकार ,अनिता लोहार ,मनिष हरिजन, दिब्य हरिजन ,रामबेलाश हरिजन, निलम पासी ,सुरेन्द्र हरिजन, चौथी लोहार, शिव पुजन हरिजन निर्वाचित हुनु भएको छ ।
भेलालाई सम्बोधन गर्दै नेकपा ( माओबादी केन्द्र) का सिनपा नगर अध्यक्ष नारायण बहादुर हमालले उपेक्षित, उत्पीडित तथा विभेदमा पारिएका समुदायको पक्षमा नीति निर्माण र नेतृत्व गर्दै आएको उल्लेख गर्दै दलित तथा मधेशी समुदायको जनसंख्याको अनुपातअनुसार राज्यका सबै तहमा सहभागिता सुनिश्चित हुनुपर्नेमा जोड दिनुभएको छ ।
सो अवसरमा दलित मुक्तिमोर्चा रूपन्देहीका अध्यक्ष धुर्ब लामगादे , किस्मत रामदाम, तीरबहादुर रोका लगायतले बोल्दै नेकपा (माओवादी केन्द्र) ले व्यवस्था परिवर्तनमा ठूलो योगदान गरेको र अब जनताको आर्थिक अवस्था परिवर्तन गर्ने नेतृत्व पनि माओवादी केन्द्रले नै गर्ने दाबी गर्नुभएको थियो । यस्तै, रुपन्देही क्षेत्र नं. ३ मा हुन लागेको उपनिर्वाचनमा नेकपा (माओवादी केन्द्र) ले आफ्नै उम्मेदवार उठाउने र केही समयमै उम्मेदवारको नाम घोषणा गर्ने जानकारी समेत दिइएको छ ।
प्रकाशित मिति: २०२५-०८-३१ , समय : २२:२४:१६ , ४ घन्टा अगाडि