रुपन्देही खबर , ७६ पटक हेरिएको
काठमाण्डाै,माघ २
प्रतिनिधिसभा सदस्य चुनाव सञ्चालन तथा व्यवस्थापन प्रयोजनका लागि निर्वाचन आयोगले आज सबै निर्वाचन क्षेत्रमा निर्वाचन अधिकृतको कार्यालय स्थापना गरेको छ । काठमाण्डौ उपत्यकासहित देशभर निर्वाचन अधिकृतको कार्यालय स्थापना भएको हो । आउँदो फागुन २१ गते हुने चुनावका लागि प्रत्यक्षतर्फको उम्मेदवारी मनोनयन यही माघ ६ गते हुँदैछ ।
त्यसअघि नै १ सय ६५ वटै क्षेत्रमा निर्वाचन अधिकृतको कार्यालय सञ्चालनमा आएको आयोगले जनाएको छ । सम्बन्धित निर्वाचन क्षेत्रका लागि निर्वाचन कार्यालय खोलेर कर्मचारी व्यवस्थापन गरिएको आयोगका प्रवक्ता नारायणप्रसाद भट्टराईले जानकारी दिनुभयो ।
आयोगले हरेक जिल्लामा खटिने ७७ जना मुख्य निर्वाचन अधिकृत तथा ८८ जना निर्वाचन अधिकृत तोकिसकेको छ । मुख्य निर्वाचन अधिकृत र निर्वाचन अधिकृतलाई एउटा–एउटा निर्वाचन क्षेत्रको जिम्मेवारी रहनेछ ।
प्रकाशित मिति: २०२६-०१-१६ , समय : १५:१२:३८ , ५ घन्टा अगाडि