रुपन्देही खबर , १०१ पटक हेरिएको
नवलपरासी, फागुन १६
नवलपरासी क्षेत्र नं. २ मा चुनावी सरगर्मी बढ्दै जाँदा देबेन्द्र यादव ले सरावल–१ बासाबसहीमा आयोजना गर्नुभएको अन्तरक्रिया कार्यक्रम उत्साहजनक रूपमा सम्पन्न भएको छ। कार्यक्रममार्फत उहाँले स्थानीय बासिन्दासँग प्रत्यक्ष संवाद गर्दै आफ्ना विकास एजेण्डा स्पष्ट रूपमा प्रस्तुत गर्नुभएको छ ।
अन्तरक्रियामा सहभागी स्थानीयहरूले क्षेत्रका प्राथमिक समस्या—सडक पूर्वाधार, सिँचाइ व्यवस्था, शिक्षा र स्वास्थ्य सेवाको गुणस्तर सुधार—बारे खुलेर धारणा राखेका थिए। प्रत्युत्तरमा यादवले ती समस्याको समाधानका लागि योजनाबद्ध पहल गर्ने प्रतिबद्धता व्यक्त गर्नुभएको छ ।
उहाँले युवालाई रोजगारीसँग जोड्ने, कृषिलाई आधुनिकीकरण गर्ने र आधारभूत पूर्वाधार सुदृढ गर्ने विषयलाई आफ्नो मुख्य प्राथमिकता रहेको बताउनुभयो। “जनताको अपेक्षा नै मेरो मार्गदर्शन हो,” भन्दै उहाँले विकास र परिवर्तनको स्पष्ट खाका प्रस्तुत गर्नुभएको थियो ।
कार्यक्रममा स्थानीयको उल्लेख्य उपस्थिति देखिएको थियो भने सहभागीहरूले परिवर्तनको पक्षमा सकारात्मक सन्देश दिएका थिए। चुनाव नजिकिँदै गर्दा क्षेत्र नं. २ मा देबेन्द्र यादवको सक्रियता र जनसम्पर्क अभियानले चुनावी माहोल थप तातेको छ।
अन्त्यमा समर्थकहरूले छाता छापमा मतदान गरी देबेन्द्र यादवलाई विजयी गराउन अपिल गरेका छन्।
प्रकाशित मिति: २०२६-०२-२८ , समय : ११:३३:४१ , १७ घन्टा अगाडि