रुपन्देही खबर , ८८ पटक हेरिएको
गेटी इमेजेज
काठमाण्डौ, चैत ८
पाँच खेलको टी–२० शृङ्खलामा चौथो खेलमा दक्षिण अफ्रिकाले घरेलु टोली न्युजिल्यान्डलाई १९ रनले हराउँदै शृङ्खला २–२ मा बराबरी गर्यो। वेलिङ्गटनमा भएको खेलमा टस जितेर पहिले ब्याटिङ गरेको दक्षिण अफ्रिकाले २० ओभरमा ५ विकेट गुमाएर १६४ रन बनायो। कोनर एस्टरहुइजेनले ५७ रनको महत्वपूर्ण योगदान दिए। न्युजिल्यान्डका काइल जेमिसनले २ विकेट लिए।
पछाडि परेको न्युजिल्यान्डले १८ ओभर ५ बलमा सबै विकेट गुमाएर १४५ रन मात्र बनाउन सक्यो। टिम रोबिनसनले ३२ रन बनाएको भए पनि, डेन क्लिभरको २६ रन पर्याप्त भएन। दक्षिण अफ्रिकाका गेराल्ड कोट्जेले उत्कृष्ट बलिङ प्रदर्शन गर्दै ३ विकेट लिए। यो परिणामसँगै टी–२० शृङ्खलामा अब २–२ को बराबरी भएको छ। पहिलो खेल दक्षिण अफ्रिकाले जितेको थियो भने दोस्रो र तेस्रो खेल न्युजिल्यान्डले जितेको थियो। पाँचौँ र निर्णायक खेल आउँदो बुधवार क्रिस्टचर्चमा खेलिनेछ।
प्रकाशित मिति: २०२६-०३-२२ , समय : १८:३५:३९ , २ घन्टा अगाडि