रुपन्देही खबर , ७७ पटक हेरिएको
काठमाण्डौ,माघ २४
पोखरामा चलिरहेको १९ वर्षमुनिको साफ महिला च्याम्पियनसिप फुटबल प्रतियोगिताको उपाधिका लागि आज भारत र बङ्गलादेशले खेल्दैछन् । फाइनल खेल पोखरा रङ्गशालामा दिउँसो २ बजे शुरू हुनेछ ।
गएको माघ १७ गतेदेखि ‘राउन्ड रोबिन लिग’ का आधारमा सञ्चालन भएको प्रतियोगितामा साविक विजेता बङ्गलादेश लिगका तीनवटै खेल जितेर नौ अङ्कसहित शीर्षस्थानमा रहेर फाइनलमा पुगेको हो ।
भारतले दुई जित र एक हारसहित छ अङ्कसहित लिगको उपविजेताका रुपमा फाइनल खेल्न लागेको हो । दक्षिण एशियाली फुटबल महासङ्घ (साफ) को समन्वय तथा अखिल नेपाल फुटबल महासङ्घ (एन्फा) को आयोजनामा काठमाण्डौ बाहिर पोखरामा पहिलो पटक प्रतियोगिता भएको हो ।
प्रकाशित मिति: २०२६-०२-०७ , समय : ११:०४:२० , ६ घन्टा अगाडि