एजेन्सी , ४२ पटक हेरिएको
तस्वीर : एजेन्सी
गाजासिटी,भदौ १४
इजरायली सेनाले गाजासिटीमा प्रारम्भिक चरणको सैन्य कारबाही शुरू गरेको जनाएको छ । सेनाका प्रवक्ता अवीखाय अद्राईले सामाजिक सञ्जालमार्फत जानकारी दिँदै गाजासिटीको छेउछाउमा तीव्र रूपमा कारबाही भइरहेको बताउनुभएको हो ।
उहाँका अनुसार इजरायलले आफ्ना बन्धकहरूको सुरक्षाका लागि र हमास समूहको संरचना पूर्ण रूपमा हटाउने उद्देश्यले कारबाहीलाई अझ सशक्त बनाउने तयारी गरेको छ । सेनाले गाजासिटीमा लागू हुँदै आएको दैनिक १० घण्टे मानवीय विराम स्थगन गरिएको जानकारी गराएको छ । अबदेखि गाजा सिटी ‘उच्च जोखिमयुक्त युद्ध क्षेत्र’ को रूपमा घोषणा भएको छ । जुलाई २७ गतेदेखि बिहान १० बजेदेखि साँझ ८ बजेसम्म मानवीय विराम लागू हुँदै आएको थियो । इजरायली सेनाले गाजासिटीलाई घेरेर केही हप्तादेखि हवाई आक्रमण र तोपखाना प्रहार जारी राखेको छ ।
प्रकाशित मिति: २०२५-०८-३० , समय : १८:४७:५१ , ७ घन्टा अगाडि