रुपन्देही खबर , ७० पटक हेरिएको
तस्बिर : एजेन्सी
पोर्चुगल,कार्तिक २३
पोर्चुगलमा प्रस्तावित श्रम कानूनको विरोधमा आन्दोलन शुरु भएको छ । राजधानी शहर लिस्बनमा हजारौंको संख्यामा कामदार सडकमा आएका छन् । लिस्बनको मुख्य इलाकामा झन्डै एक लाख मानिस जम्मा भएका पोर्चुगलको सबैभन्दा ठूलो मजदूर संगठन सीजीटीपीले जनाएको छ ।
पोर्चुगल सरकारले कामदारलाई भन्दा काम दिलाउनेलाई सहज हुनेगरी संसदमा विधेयक पेश गरेको भन्दै असन्तुष्टी देखिएको छ । कानूनले कामदारहरूको अधिकारलाई खतरामा पार्ने असन्तुष्ट पक्षको भनाइ छ ।
अति दक्षिणपन्थी पार्टी चेगाको समर्थनमा यो विधेयक संसदबाट पारित हुने सम्भावना रहेको बीबीसीले जनाएको छ । तर सीजीटीपीका महासचिव टियागो ओलिभेराले अर्को महिनाको लागि हडतालको घोषणा गर्नुभएको छ । प्रदर्शनकारीले ज्याला पनि बढाउनपर्ने माग राखेका छन् ।
प्रकाशित मिति: २०२५-११-०९ , समय : १०:०८:४७ , ४ घन्टा अगाडि